یانه‌ی دالکورد له ووڵاتی سوید چووه ناو مێژووی تۆپی پێی سوید و مێژووی وه‌رزشی هه‌موو کوردستان
October 28, 2017 · 0 Comments
دالکورد یانه‌یه‌کی وه‌رزشی تۆپی پێیه له ووڵاتی سوید ،له 26 ی سێپته‌مبه‌ری ساڵی 2004 له شاری بورلێنگێ له ناوه‌ڕاستی سوید دامه‌زرا له لایه‌ن چه‌ند کوردێکی دانیشتووی سوید. له ساڵی 2005 بۆ یه‌که‌م جار به‌شداری کرد له پێشبڕکێی یانه پله شه‌شه‌کان ،هه‌ر له سه‌ره‌تاوه توانایه‌کی زۆری پیشان دا و له چه‌ند ساڵێکی که‌مدا سه‌رکه‌وت بۆ پله‌ی پێنج ، چوار ، سێ ، دوو ، یه‌ک و ساڵی پار بۆ دوا پله‌ی هه‌ره به‌رزی تۆپی پێی سویدی ئه‌ویش که (سوپه‌ر ئێتان)ه . که له وه‌رزی ئه‌م ساڵیشدا هه‌ر له سه‌ره‌تای ده‌سپێکردنیه‌وه پێشڕه‌وی سوپه‌ر ئێتانی کرد. ئاڵای یانه‌که بریتیه له ئاڵای کوردستان وه‌ک نیشانه‌یه‌کی زیدووی کوردانی ده‌ره‌وه‌ی کوردستان بۆ ڕێزگرتن له کورد بوونیان وهه‌وڵدانیان له‌م باره‌وه بۆ پێناسه کردنی میله‌تی کورد له‌و ووڵاتی سوید دا و له‌م لاو ئه‌ولای ڕۆژه‌که‌ی ئاڵای کوردستان دوو وێنه‌ی ئه‌سپ دانراوه که سیمبولی ناووچه‌ی (داله‌رنه)یه که شاری بورلێنگێی تیایه،ناوه‌که‌ی داڵکوردیش له‌مه‌وه هاتووه دال کورد یانی کوردانی دانیشتووی داله‌رنه .
ئه‌مڕۆ شه‌ممه ۲۸ی ئۆکتۆبه‌ری ساڵی 2017 له یاری ژماره 29 له‌ماڵه‌وه له بورلێنگێ له‌گه‌ڵ یانه‌ی گایس واته له یاری پێش کۆتایی پێشبڕکێی سوپه‌رئێتان که داڵکورد ته‌نها یه‌ک خاڵی پێویست بوو بۆ سه‌رکه‌وتن بۆ پێشبڕکێی هه‌ره به‌رزی تۆپی پێی ووڵاتی سوید که(ئه‌لسڤێنسکا)یه، توانی به ئه‌نجامی (1-0) بیباته‌وه و به‌م ئه‌نجامه‌ی ئه‌مڕۆ یانه‌ی دالکورد یه‌که‌م یانه‌یه له مێژووی تۆپی پێی ووڵاتی سوید که بتوانێ له ماوه‌ی که‌مترین ساڵدا بگاته ئه‌لسڤێنسکا
لێره‌وه به ناوی کوردستان وه‌رزش پیرۆزبای یه‌کی گه‌رم له ده‌سته‌ی به‌ڕێوه بردنی یانه‌ی داڵکورد ده‌که‌ین و هه‌روه‌ها له هه‌موو یاریزانی یانه‌که و هه‌موو جه‌ماوه‌ری دالکورد و هه‌مووئه‌و که‌سانه ولایه‌نانه‌ی که پشتگیری له‌م یانه‌یه کردووه
| ناوی یانه | ژی | بر | یه‌ک | دۆڕ | گۆڵک/ گۆڵلێ: | جیاوازی گۆڵ | کۆی خاڵ | |
|---|---|---|---|---|---|---|---|---|
| 1 | IF Brommapojkarna | 28 | 18 | 4 | 6 | 55 : 25 | (+30) | 58 |
| 2 | Dalkurd FF | 29 | 17 | 6 | 6 | 55 : 24 | (+31) | 57 |
| 3 | Trelleborg | 29 | 14 | 9 | 6 | 52 : 30 | (+22) | 51 |
| 4 | Osters | 28 | 12 | 8 | 8 | 44 : 35 | (+9) | 44 |
| 5 | Falkenbergs | 28 | 10 | 12 | 6 | 45 : 37 | (+8) | 42 |
| 6 | Helsingborg | 28 | 10 | 12 | 6 | 37 : 39 | (-2) | 42 |
| 7 | IFK Varnamo | 28 | 12 | 5 | 11 | 48 : 41 | (+7) | 41 |
| 8 | Degerfors | 28 | 11 | 7 | 10 | 38 : 36 | (+2) | 40 |
| 9 | Orgryte | 28 | 9 | 9 | 10 | 28 :40 | (-12) | 36 |
| 10 | Gefle | 28 | 10 | 5 | 13 | 38 : 43 | (-5) | 35 |
| 11 | Norrby | 28 | 10 | 4 | 14 | 41 : 53 | (-12) | 34 |
| 12 | GAIS Goteborg | 29 | 9 | 7 | 13 | 25 : 37 | (-12) | 34 |
| 13 | Varbergs BoIS | 28 | 8 | 9 | 11 | 39 : 39 | (0) | 33 |
| 14 | IK Frej | 29 | 8 | 5 | 16 | 38 : 48 | (-10) | 29 |
| 15 | Syrianska Sodertalje | 28 | 7 | 3 | 18 | 37 : 61 | (-24) | 24 |
| 16 | Atvidabergs | 28 | 6 | 5 | 17 | 22 : 54 | (-32) | 23 |
بورهان حسین / کوردستان وه‌رزش 28 10 2017
By burhan
Sorry, comments are closed on this post.