پێکهاته‌ی یاریزانانی هه‌ڵبژارده‌ی کوردستان بۆ به‌شداریکردن له‌ پاڵه‌وانێتی ڤیڤا که‌ له‌ ئیتاڵیا ئه‌نجامده‌درێت، دیاریکرا.
له‌وباره‌یه‌وه‌ دڵشاد ساڵح ئه‌ندامی یه‌کێتی تۆپی پێی كوردستان

 به‌ سایتی (ئه‌سوات عێراق)ی راگه‌یاند: " ئێواره‌ی شه‌ممه‌ ستافی مه‌شقی هه‌ڵبژارده‌ی كوردستان له‌ باره‌گای یه‌كێتی تۆپی پێی كوردستان له‌ هه‌ولێر، پێكهاته‌ی هه‌ڵبژارده‌ی كوردستانیان ده‌ستنیشان كرد، بۆ به‌شداریکردن له‌ پاڵه‌وانیه‌تی ڤیڤا ده‌كات له‌ وڵاتی ئیتاڵیا".
راشیگه‌یاند: "پێكهاته‌كه‌ له‌م یاریزانانه‌ پێکهاتوه‌: ئه‌حمه‌د شكور (یانه‌ی‌ هه‌ولێر)، غه‌فور عوسمان، محه‌ممه‌د حه‌مه‌خان، هه‌ردی‌ سیامه‌ند‌و كارزان عه‌بدوڵڵا‌و بێستون ئه‌كره‌م (یانه‌ی‌ بروسك)، سه‌ردار عادل، عه‌لی عه‌زیز‌و ئه‌حمه‌د محه‌ممه‌د (یانه‌ی‌ ئارارات) مسته‌فا كامیل‌و بورهان عه‌بدولكه‌ریم (یانه‌ی‌ سلێمانی‌) عه‌بدولحه‌ق ئیسماعیل، سه‌باح حه‌سیب، پرسیار عه‌بدولڕه‌زا‌و كارساز محه‌ممه‌د (یانه‌ی‌ سیروانی‌ نوێ)، ئامانج عومه‌ر (یانه‌ی‌ پێشمه‌رگه‌ی‌ سلێمانی‌)، سه‌واش قادر (یانه‌ی‌ كه‌ركوك)، فه‌رهاد سدیق (یانه‌ی‌ پێرس)، وه‌لید یاسین (یانه‌ی‌ هه‌ندرێن)، ئیبراهیم عه‌باس‌و چۆمان عومه‌ر (یانه‌ی‌ سه‌وره‌).
ستافی مه‌شقی هه‌ڵبژارده‌که‌ش پێكهاتون له‌ راهێنه‌ر عیماد قادر راهێنه‌ری یانه‌ی سه‌وره‌، له‌گه‌ڵ دو یاریده‌ده‌ر، دڵشاد مه‌عروفی راهێنه‌ری یانه‌ی بروسك‌و رزگار عه‌لی راهێنه‌ری یانه‌ی سیروانی نوێ.

له‌لایه‌كی دیكه‌وه‌ سكرتێری یه‌كێتی تۆپی پێی كوردستان سه‌لام حوسێن به‌ (ئه‌سوات ئه‌لعێراق)ی راگه‌یاند: "به‌ فه‌رمی داوامان له‌ یانه‌كانی هه‌ولێر‌و دهۆك کردبو یاریزانی ئاست به‌رزمان بۆ بنێرن، به‌ڵام وادیاره‌ به‌ هۆی به‌شدارییكردنیان له‌ خولی یانه‌ نایابه‌كانی عێراق، ئه‌و دو یانه‌یه‌ ئاماده‌نین رێگه‌ به‌ یاریزانه‌كانیان بده‌ن بۆ هه‌ڵبژارده‌ی كوردستان یاری بكه‌ن".
ئاماژه‌ی به‌وه‌شکرد، له‌ پێكهاته‌كه‌دا یه‌ك یاریزانی یانه‌ی هه‌ولێری تێدایه‌ كه‌ ئه‌حمه‌د شوكره‌، كه‌ ئه‌ویش له‌ تیپی خولی كوردستانی یانه‌كه‌دایه‌، هه‌روه‌ها یه‌ك یاریزانی دهۆك كه‌ ئازاد ئه‌حمه‌د بو، بۆ پێكهاته‌كه‌ بانگهێشتكرابو، به‌ڵام داوای لێبوردنی كردوه‌، به‌ هۆی ئه‌وه‌ی تاقیكردنه‌وه‌ی خوێندنی هه‌یه‌، هاوکات شه‌ممه‌ی داهاتو تیپه‌كه‌ ده‌ست به‌ مه‌شقه‌كانی ده‌كات‌و خۆی بۆ پاڵه‌وانیه‌تیی ڤیڤا ئاماده‌ بكات.

جێی ئاماژه‌یه‌ له‌ پاڵه‌وانیه‌تیی سێیه‌می ڤیڤادا، كه‌ بۆ هه‌ڵبژارده‌ی نه‌ته‌وه‌ بێ وڵاته‌كانه‌‌و له‌ شاری میلانۆی ئیتاڵی له‌ 22 تا 27ی حوزه‌یرانی داهاتو ئه‌نجام ده‌رێت، هه‌ڵبژارده‌ی‌ كوردستان له‌ گروپی یه‌كه‌مدایه‌ شانبه‌شانی هه‌ڵبژارده‌كانی هه‌رێمی پادانیا‌و هه‌رێمی ئۆكتاینا یاری ده‌كات.
گروپی دوه‌مییش له‌ هه‌ڵبژارده‌ی هه‌رێمه‌كانی‌ سامیلاند‌و پرۆڤینس و گۆزۆ پێكهاتوه‌.

هه‌ڵبژارده‌ی كوردستان بۆ جاری چواره‌مه‌ پێكده‌هێنرێت، جاری یه‌كه‌م له‌ ساڵی 2005 بۆ سازدانی چه‌ند یارییه‌كی دۆستانه‌ له‌ وڵاتی كۆریای باشور تیپه‌كه‌ ئاماده‌كرا و له‌لایه‌ن راهێنه‌ر عه‌بدوڵڵا مه‌حمود سه‌رپه‌رشتی كرا، له‌ مانگی تشرینی یه‌كه‌می هه‌مان ساڵدا تیپه‌كه‌ سه‌ردانی كۆریای باشوری كرد.
جاری دوه‌میش بۆ به‌شداریكردن له‌ پاڵه‌وانیه‌تیی دوه‌می ڤیڤا ئاماده‌كرا، كه‌ له‌ هاوینی ساڵی 2007 له‌ وڵاتی سوید به‌ڕێوه‌چو، تیپه‌كه‌ راهێنه‌ر سلێمان ره‌مه‌زان سه‌رپه‌رشتی ده‌كرد، هه‌روه‌ها پارساڵیش هه‌ڵبژارده‌كه‌ پێكهێنرا و به‌شداری له‌ پاڵه‌وانیه‌تیی “هه‌فته‌ی وه‌رزشیی ئێران” كرد، كه‌ له‌ شاری ره‌زاییه‌ی ئێران به‌ڕێوه‌چو، راهێنه‌ر دڵشاد مه‌عروف راهێنه‌ری تیپه‌كه‌ بوو.

ئه‌م هه‌واڵه له مه‌ڵپه‌ڕی سبه‌ی وه‌رگیراوه

بۆچوونه‌کان (1)

پیشاندان/شاردنه‌وه‌ی بۆچوونه‌کان

...
نوسراوه‌ له‌لایه‌ن rzgar , June 04, 2009

dasttan xoshbet... hiwadarm anjami bassh badasst binn.. bshi kurdistan

report abuse

vote down

vote up

Votes: +0

ناو

پۆستی ئه‌لکترۆنی

بۆچوون

بچووککردن | گه‌وره‌کردن

من به‌ مه‌رجه‌کان رازیم مه‌رجه‌کان.

بۆچوونێک زیادبکه